Videre samarbeid om riksveg 9 som Nasjonal turistveg.

Fredag møtte Setesdal regionråd statssekretær Vorren i Samferdselsdepartementet, saman med politisk leiing i fylkeskommunen. I møtet var det ei felles forståing for behovet for vidare dialog og samarbeid for å arbeide meir konkret med riksveg 9 som nasjonal turistveg.

Deltakarar i møtet med statssekretær Vorren i Samferdselsdepartementet. Setesdal regionråd og politisk leiing i fylkeskommunen drøfta vidare samarbeid om riksveg 9.

Fredag hadde Setesdal regionråd møte med statssekretær Vorren i Samferdselsdepartementet. I møtet deltok også politisk leiing i fylkeskommunen. Tema for møtet var det vidare arbeidet med å få riksveg 9 løfta fram som nasjonal turistveg.

Setesdal regionråd var tydelege på ønsket om god dialog og ein konstruktiv prosess i tett samarbeid med Statens vegvesen. Målet er å kome vidare i arbeidet med meir konkrete planar og avklaringar, slik at riksveg 9 kan sikre status som nasjonal turistveg.

– Vi opplevde møtet som konstruktivt. Regionrådet formidla eit klart bodskap om at vi ønskjer å vidareutvikle prosjektet, og vi ønskjer å bidra aktivt i det vidare arbeidet saman med Statens vegvesen, seier styreleiar i Setesdal regionråd, Inger Lise Lund Stulien.

Fylkesordførar Arne Thomassen understreka i møtet kor viktig tett samarbeid er framover, og peika på riksveg 9 som eit viktig utviklingsprosjekt for heile regionen. Han viste til at fylkeskommunen ønskjer å bidra aktivt i det vidare arbeidet saman med Setesdal og Statens vegvesen.

Riksveg 9 er ei viktig strekning for Setesdal, både som transportåre og for utvikling av lokalsamfunn og reiseliv. Setesdal regionråd ser fram til å vidareføre samarbeidet med fylkeskommunen og statlege styresmakter for å realisere potensialet som ligg i Setesdalsvegen som nasjonal turistveg.